ಜನವರಿ 1 - ಹೊಸ ವರ್ಷದ ಮೊದಲ ದಿನ

ಜನವರಿ 1 ನೇ ತಾರೀಖನ್ನೇ ಯಾಕೆ ಇಡೀ ಜಗತ್ತು ಹೊಸ ವರ್ಷ ಎಂದು ಆಚರಿಸುತ್ತದೆ.? ಅದನ್ನು ಪರಿಚಯಿಸಿದವರು ಯಾರು.? ಅದರ ಪ್ರಾಮುಖ್ಯತೆ ಏನು.?

ಇಡೀ ಜಗತ್ತಿಗೆ ಜನವರಿ 1 ನೇ ತಾರೀಖು ಹೊಸ ವರ್ಷದ ಮೊದಲ ದಿನ. ಜೂಲಿಯಸ್ ಸೀಸರ್ ಜೂಲಿಯನ್ ಕ್ಯಾಲೆಂಡರ್ ಅನ್ನು ಕ್ರಿ. ಶ. 46 ರಲ್ಲಿ ರೋಮನ್ ದೇವತೆಯಾದ ಜನಸ್ ನ ಹೆಸರಿನಲ್ಲಿ ಜಗತ್ತಿಗೆ ಪರಿಚಯಿಸಿದ. ಜನಸ್ ದೇವರ ಹೆಸರಿನಲ್ಲಿ ಜನವರಿ ತಿಂಗಳ 1 ನೇ ತಾರೀಕನ್ನು ವರ್ಷದ ಮೊದಲ ದಿನವನ್ನಾಗಿ ಜೂಲಿಯಸ್ ಸೀಸರ್ ನಿರ್ಧರಿಸುತ್ತಾನೆ.

ಮೊದಲಿಗೆ ಕೇವಲ ಪಾಶ್ಚಾತ್ಯ ದೇಶಗಳಲ್ಲಿ ಚಾಲ್ತಿಯಲ್ಲಿದ್ದ ಗ್ರೋಗೋರಿಯನ್ ಕ್ಯಾಲೆಂಡರ್ ಈಗ ಪ್ರಪಂಚದಾದ್ಯಂತ ಚಾಲ್ತಿಯಲ್ಲಿದೆ. ಇದು ಜಗತ್ತಿನ ಅತಿ ಹೆಚ್ಚು ಜನ ರಜೆಯನ್ನು ಆಚರಿಸುವ ದಿನಗಳಲ್ಲಿ ಒಂದಾಗಿದೆ. ಹಾಗಾಗಿ ಇಡೀ ಜಗತ್ತಿಗೆ ಜನವರಿ 1 ಅನ್ನುವುದು ಹೊಸ ವರ್ಷದ ಮೊದಲ ದಿನ.ಎಲ್ಲರಿಗೂ ಹೊಸ ವರ್ಷದ ಹಾರ್ದಿಕ ಶುಭಾಶಯಗಳು

ಜನವರಿ 1 - ಕಲ್ಪತರು ದಿವಸ್ / ಕಲ್ಪತರು ಉತ್ಸವ

ಇದು ಶ್ರೀ ರಾಮಕೃಷ್ಣ ಪರಮಹಂಸರ ಉಪದೇಶಗಳನ್ನು ಸಾರುವ ಉತ್ಸವವಾಗಿದೆ.ರಾಮಕೃಷ್ಣ ಮಿಷನ್, ರಾಮಕೃಷ್ಣ ಮಠದ ಸನ್ಯಾಸಿಗಳು ಹಾಗೂ ವೇದಾಂತ ಸಂಘದ ಅನುಯಾಯಿಗಳು ಆಚರಿಸುವ ಉತ್ಸವ.

ಇದು ಶ್ರೀ ರಾಮಕೃಷ್ಣ ಪರಮಹಂಸರು ಈ ದಿನದಂದು ತಾವು ದೇವರಾಗಿ ಭೂಮಿ ಮೇಲೆ ಬಂದಿರುವುದಾಗಿ ತಮ್ಮ ಶಿಷ್ಯರಿಗೆ ತಿಳಿಸಿದ ದಿನ. ಪ್ರಮುಖವಾಗಿ ಇದರ ಆಚರಣೆ ಕೋಲ್ಕತ್ತಾದ ಕೋಸೀಪುರ ಗಾರ್ಡನ್ ಹೌಸ್ ಅಥವಾ ಉದ್ಯಾನಬಟಿಯಲ್ಲಿ ಆಚರಿಸುತ್ತಾರೆ.